अमरावतीतील जुनी मोठी झाडे असलेल्या भागात सहज दिसणारा राखी धनेश फळे खाऊन बीजप्रसार करतो. त्यामुळे त्याला जंगलाचा शेतकरी असेही म्हटले जाते.

"उक्क-उक्क" असा घुमणारा आवाज करणारा तांबट वड, उंबर, पिंपळ यांच्या फळांवर विशेषतः दिसतो. छोटा पण रंगीबेरंगी असा हा शहरातील परिचित पक्षी.

डोक्यावरील तुरा आणि वाकलेली चोच यामुळे सहज ओळखता येणारा हुदहुद मोकळ्या जागांवर दिसतो. अमरावतीच्या अनेक भागात तो सहज भेटतो.

लहान, ठिपकेदार आणि सर्वत्र आढळणारा हा पिंगळा उंदीर व सरडे खाऊन शेतीसाठी उपयुक्त ठरतो. तो जुन्या झाडांमध्ये आणि वाड्यांत आश्रय घेतो.

निळसर राखाडी रंगाचा आणि नारिंगी रेषांनी उठून दिसणारा शिक्रा एक तडफदार शिकारी पक्षी आहे. शहरातही सहज दिसतो आणि अन्नसाखळीतील महत्त्वाचा दुवा आहे.

लांब शेपूट, विटकरी पंख आणि लाल डोळे असलेला भारव्दाज हिरवळीत हमखास दिसतो. डोमकावळ्यासारखा दिसत असला तरी निळसर झाक त्याला वेगळेपण देते.